Sunday, January 13, 2013

Eolas Faoi Ghlas is Bás Aaron Swartz


Eolas Faoi Ghlas is Bás Aaron Swartz

  • Is linne an t-eolas
    – Aaron Swartz (1986 – 2013)


    Aaron


    Chuir Aaron Swartz lámh ina bhás féin an tseachtain seo ar an 1/11/2013.  Bhí sé 26 bliana d’aois. Tá sé níos éasca dúinn an nuacht a fháil anois mar gheall ar an RSS a scríobh sé nuair a bhí sé ceithre bhliain déag d’aois.  Bhí sé i gceist aige eolas poiblí a chuir ar fáil do chuile dhuine agus d’éirigh leis. Go raibh maith agat, a Aaron. Bhí an nuacht is an t-eolas ag teastáil go géar uainn. Fear cliste ab ea é a bhunaigh Demand Progress http://demandprogress.org/  is Reddit.com http://www.reddit.com/r/AMA/ agus d’oibrigh sé ar Creative Commons http://creativecommons.org/  Is anois tá sé marbh. Scanraigh an FBI é mar tá saoirse i gcoinne  luacha an rialtais (na comhlachtaí móra). Ar bhealach amháin nó ar bhealach eile mharaigh saint, díothacht, agus faillí Aaron Shwartz.

    Maraíonn saint daoine. Níl coinsias soisíalta ag saint. Cuireann sí brabús thar dhaoine agus faigheann daoine bás mar gheall ar sin. Bhí Aaron ar thaobh saoirse is an rialtas ar thaobh cosc is brabús. Chuir MIT ina leith gur ghoid sé 4 mhilliún doiciméadaigh uathu agus ó JSTOR. Níor ghoid sé aon rud. Scaoil sé saor é. Is iad na hollscoileanna atá ag goideadh eolas uainn. Mharaigh saint saoirse Aaron is chuir sí bagairtí agus deacrachtaí ina bhealach. Is féidir cur suas le bagairt nó dhó ach bhí na comhlachtaí móra, oideachas príomháideach agus an córas dlí ina choinne ró-mhinic. Tháinig na comhlachtaí le chéile le bagairtí uafásacha is iad ag iarraidh a airgead a chosaint.  Le meon coilíneach cheap siad gurbh fhéidir leo gach rud saor a dhíol do dhaoine. Ní féidir le daoine bochta freastal ar ollscoileanna anseo. Ní féidir linne nach bhfuil san ollscoil téacsanna áirithe a léamh. Tá MIT http://www.mit.edu/ agus JSTOR http://about.jstor.org/ ciontach anseo.  Bhí Aaron ina fellow at the Center for Ethics at Harvard University rud a chuir ag gáire ós ard mé. An dtuigeann siad eitic ansin i Harvard? Thuig Aaron é. Agus bhí an dlí ag iarraidh é a chuir i bpriosún é mar gheall air. Bhí MIT agus JSTOR ag iarraidh airgead a bhaint de:  $4 milliún mar chaill siad airgead dar leo ach ghoid siadsan an t-eolas sa chéad áit. Is linne é.

    Maraíonn díothacht daoine. Bhí an dlí ag iarraidh Aaron a chur faoi ghlas mar ní raibh sé sásta eolas a bheith faoi ghlas. Tá sé cosúil le Bradley Manning sa chás seo. Buíochas le Dia nár fhulaing sé an céasadh a d’fhulaing Bradley ach ar bhealach d’fhulaing sé céasadh meabhrach uafásach freisin leis an FBI á leanúint is á bhagairt. Is féidir leis an rialtas anseo rudaí uafáasacha a dhéanamh mar a rinne siad le Bradley Manning agus bhí an t-eolas sin ag Aaron. Thuig sé díothacht cearta. San amhrán Casa de cartón http://www.youtube.com/watch?v=MhS2pVp_400 tá líne ag insint go na daoine bochta go bhfuil scoileanna do mhadraí acu i dtíortha eile. Tá sé deacair é sin a mhíniú. Bhí páipéar nuachtán ag m’athair agus cheannaigh daoine é gach seachtain. Anois is féidir an nuacht a fháil saor in aisce agus b’fhearr liom domhan mar sin. Tugann sé seans do dhaoine gan airgead. Thuig Aaron díothacht saoirse. Bhí siad á bhagairt é a chuir i bpriosún ar feadh 35/50 bliana. Cuireadh mo mhac féin i bpriosún ar feadh lá amháin agus ba bheag nach raibh taom croí agam. Bhí sé i Minneapolis nuair a bhí an GOP ag socrú a chogadh agus é ar na sráideanna leis na mic léinn eile nuair a rinne na gardaí ‘mass arrest’ agus gabh siad 400 daoine. https://www.youtube.com/watch?v=W6L8J3L-2Kw Agus is féidir leo é a dhéanamh http://blogs.citypages.com/blotter/2012/01/2008_republican_national_convention_lawsuit_8th_circuit_dismissed.php An gá dom a scríobh nár tharla sé mar sin agus nach raibh bealach amach ag éinne mar bhí na gárdaí (saighdiúirí i ndáiríre) i ngach áit? Téann an rialtas thar fóir go minic. Thuig Aaron díothacht slándála. Tá faitíos ar dhaoine. Tuigeann daoine mar Aaron an méid a tharlaíonn i bpriosúin http://ancroiait.wordpress.com/2012/02/06/20-the-dark-ages-u-s-prisons/ Is é géarleanúint in áit ionchúiseamh atá in úsáid ag an rialtas ach tá níos éascaí iad a meascadh suas i mBéarla (persecution agus prosecution).

    Maraíonn faillí daoine.  Cuireann meon scothroghnaigh glas ar eolas d’fhormhór an cine daonna atá ag iarraidh an domhan a thuiscint. Thuig Aaron faillí na daoine bochta, faillí cultúrtha, faillí scoláirí. Tá daoine cliste gan airgead sa domhan seo agus is féidir leo an domhan a fheabhsú má tá seans acu. Bhí mé i mBarnes & Noble (siopa leabhar)  le mo dhearthair cúpla bliain ó shin. Mhínigh mé nach raibh tada le déanamh agam nuair a tháinig mé go SAM is sula raibh mo chárta glas agam. Chaith mé mo laethanta i leabharlann agus sa siopa leabhar sin. D’fhéach mé timpeall agus mhínigh mé gur féidir neart leabhar a léamh faoi ábhar ar bith ansin ach má tú ag iarraidh é a thuiscint i gceart caithfidh tú leabhar na hollscoile a fháil agus ní raibh siad ansin. Ní dheachaigh mo dhearthair go dtí an ollscoil agus chonaic mé a shúile ag oscailt. Ní fhéadfadh sé na leabhair a léigh mé a léamh. Is níl sé sin ceart ná coir. Bhí an rialtas ag díol 18 milliún doiciméid poiblí don phobal nuair a scaoil Aaron iad saor in aisce is bhí an ceart aige ach bhí an FBI ar buile faoi. Ba chóir go mbeadh doiciméid JSTOR le fáil saor in aisce do gach duine ach níl. Caithfidh siad é sin a athrú. Caithfidh siad a thuiscint go gciallaíonn Not For Profit nach féidir an t-eolas a dhíol.                                                                         Tá faillí cultúrtha ann fiú in Éirinn. Chuaigh mé ar thóir Scéalta Cois Chladaigh nuair a bhí mé sa bhaile. Chuaigh mé ó leabharlann go leabharlann is go ollscoileanna is faoi dheireadh fuair mé cóip sa Leabharlann Náisiúnta agus ní raibh an téip an obair i gceart. Ní raibh bealach éisteacht leis an téip sa Leabharlann Náisiúnta ach oiread. Bhí mo bhéal ar oscailt agam le suaitheadh cultúir faoin bhfaillí seo. ‘Ach seo ár n-oidhreacht’ a mhínigh mé don bhfear ann. ‘Is linne an teanga agus na háiseanna. Ní féidir rud mar seo a choinneáil ó na daoine.’ Bhí an fear cairdiúil ach ní raibh freagra aige. Faigheann na hollscoileanna airgead ón rialtas. Faigheann an rialtas an t-airgead uainne. Nuair a chaith an tOllamh Séamas O Catháin an t-am sin go léir ag bailiú scéalta ní raibh sé dhá dhéanamh ar a shon féin ach ar son na tire nó b’fhéidir nach dtuigeann daoine é sin. Nuair a roinn John Henry a scéalta, rinne sé é sin dúinne is cá bhfuil siad? Ní bhfuair mé freagra ó UCD. Nuair a dhéanann tú dearmad is cuid den díothu thú.                                                             Tá gá le oideachas ach ní chóir don chóras oideachais doirse a dhúnadh.  Tá chuile dhuine fiosrach. Is cuimhin liom scéal álainn a léigh mé ar scoil The Windows of Wonder le Bryan Mac Mahon. Tá orainn na fuinneoga a oscailt, na doirse a oscailt agus an seans céanna a thabhairt do chuile dhuine. Ná díol eolas. Níl ach praghas amháin air, suim. Má tá suim agat, ar aghaidh leat.  Níl taithí agam ar MIT ach tá ar JSTOR. Nuair a bhí mé san ollscoil d’úsáid mé an áis ach ní féidir liom é a úsáid níos mó mar nílim san ollscoil anois. Is cuireann sé isteach orm. Léigh mé i JSTOR faoi litríocht agus bhain mé taitneamh as tuaraimí údair eile. Ach tugtar le fios gur pribhléid í agus gur íoc an ollscoil as. Bhí praghas ar an eolas. Ní raibh mé ag iarraidh aon phribhléid. Níor cheap mé go raibh mé níos fearr ná éinne eile. Bhí oideachas uaim is eolas uaim agus níor smaoinaigh mé riamh ar eolas mar thráchtearra. An gcaithfidh páiste airgead a íoc le fáil amach cén fáth a bhfuil an spéir gorm? Nach bhfuil fonn ar an tuismitheoir an t-eolas sin a roinnt leis agus le duine ar bith eile a bhfuil suim aige ann?

    Agus dóibh súid a déarfaidh go raibh rud éigin cearr le Aaron, go raibh sé faoi dhúlagar, tá an ceart agaibh. Ach bhí go leor ceart leis is bímid go léir faoi dhúlagar go mór, mór nuair nach bhfuil cothrom na féinne inár dtír is an rialtas ag iarraidh muid a chur i bpriosún.  Tuigeann an rialtas an bagairt. Níl fhios ag an tromlach céard atá ar siúl ag an rialtas is b’fhearr leis an rialtas é a choinneáil mar sin. Nuair a thagann do nuacht duit le airgead ó na baincéirí, níl nuacht agat. Níl fonn orm éisteacht le daoine mór le rá cosúil le Bush nó Condaleeza Rice. Caithfidh tú $$$ a íoc le éisteacht leo. Ach tá ard-áthas orm éisteacht le daoine cosúil le Aaron agus daoine ar indigenous tweets mar roinneann siad an t-eolas is tá sé nádurtha is níl aon clár oibre folaigh acu. Ní raibh aithne agam ar Aaron ach tá mé fíor bhrónach anseo mar rinne siad feall is tá duine iontach caillte againn.

    Scríobh daoine eile faoi Aaron anseo:
    Cory Doctorow
    Glenn Greenwald
    Lawrence Lessig
    Quinn Norton

    Ciontach: JSTOR, MIT, Massachusetts U.S. Attorney’s office

4 comments:

  1. N'fheadar.

    De réir mar a thuigim, rinne JSTOR socrú leis agus níor chuaigh siad chun dlí. Mar sin, le cothrom na féinne a thabhairt dóibh níl mé cinnte go bhfuil siad iomlán ciontach.

    Níl an scéal chomh dubh agus bán dar liom: Bíonn obair i gceist le saothrú eolais/ealaíon/pé rud agus sílim go bhfuil tuarastal ag dul do lucht a shaothraithe.

    Tá bealach le dul go mbeidh córas cóir do chách ann áfach - agus ní hé an dlí coiriúil an modh leis na ceisteanna réiteach.

    ReplyDelete
  2. Maith thú áfach - píosa den scoth!

    ReplyDelete
  3. Is fianaise í seo nach mór a léamh ag gach duine, táim anseo chun an domhan ar fad a chur ar an eolas faoi fhear a shábháil mo chaidreamh agus tugtar an Dr. IZOYA ar an fhear mór seo. Go deimhin rinne sé post iontach dom trí mo shean-leannán a d'fhág mé a thabhairt ar ais agus gealltanas a thabhairt dom gan filleadh ar ais chugam arís. Leis seo, táim tar éis teacht ar an tuiscint go ndéanfaidh an t-eolas atá ag an Dr. Is féidir leat teacht air trína sheoladh ríomhphoist: drizayaomosolution@gmail.com. Nó a uimhir a bhfuil a app +12098373537. Déan teagmháil leis agus féach conas a réiteofar d'fhadhb laistigh de 24 uair. Déanann sé speisialtóireacht ar na hábhair seo a leanas freisin ...
    (1) Ba mhaith leat do shean-ais.
    (2) Ba mhaith leat a chur chun cinn i d'oifig.
    (3) Ba mhaith leat fir / mná a leanúint leat.
    (4) Tá leanbh uait.
    (5) Is fiontraí thú agus is mian leat conarthaí a bhuachan.
    (6) Ba mhaith leat go mbeadh do fhear céile leatsa go deo.
    (7) Teastaíonn cúnamh spioradálta uait.
    (8) Tá tú scammed agus ba mhaith leat airgead caillte a aisghabháil.
    (9) Stop an colscaradh.
    (10) Deasghnátha airgid a agairt.
    (11) Toghcháin a bhuachan.

    ReplyDelete
  4. Bonjour, Après avoir été en relation avec mon ex pendant des années, il a rompu avec moi, j'ai tout fait pour le ramener mais tout était en vain, je le voulais tellement à cause de l'amour que j'ai pour lui, je l'ai supplié avec tout, j'ai fait des promesses mais il a refusé. Je suis allé voir une amie et j'ai expliqué mon problème à mon amie et elle m'a suggéré de contacter le Dr Wale qui l'a aidée pendant son séjour. C'est ainsi que j'ai envoyé un courrier au Dr Wale, le lanceur de sorts, je lui ai tout expliqué et je lui ai dit à quel point mon esprit était dérangé de temps en temps. et il m'a dit qu'il n'y avait pas de problème, que tout irait bien avant quatre jours, il m'a dit que mon ex me reviendrait dans les jours, il a jeté le sort et m'a dit de suivre l'instruction qu'il m'a donné aussi, donc je l'ai fait et a suivi toutes les instructions qu'il m'a données. Étonnamment le deuxième jour, il était environ 16 heures. Mon ex m'a appelé, j'étais tellement surpris, j'ai répondu à l'appel et tout ce qu'il a dit, c'est qu'il était tellement désolé pour tout ce qui s'est passé qu'il voulait que je lui retourne, qu'il m'aime tellement. J'étais si heureux et je suis allé le voir, c'est ainsi que nous avons recommencé à vivre ensemble heureux. Depuis lors, j'ai promis que toute personne que je connais ayant un problème relationnel, je serais utile à cette personne en la référant au seul lanceur de sorts réel et puissant qui m'a aidé avec mon propre problème. Son email: drwalespellhome@gmail.com ou WhatsApp lui au +2349015141346 si vous avez besoin de son assistance dans votre relation ou tout autre cas.
    1) Sorts d'amour
    2) Sorts d'amour perdus
    3) Arrêtez les sorts de divorce
    4) Sorts de mariage
    5) Sort de grossesse
    6) Sorts de rupture
    7) Sort de mort
    8.) Vous souhaitez être promu dans votre bureau
    9) Voulez-vous satisfaire votre amoureux
    10) Loterie
    Contactez ce grand homme si vous rencontrez un problème pour une solution durable
    via {drwalespellhome@gmail.com}

    ReplyDelete